发新话题
打印

1930年代南京路

1930年代南京路


(油画)1930年代南京路 (姚志伟)

       双层公共电车里厢坐满了从外地到上海滩来白相额人,电车往外滩方向开过来,车子外头先施牙膏.千里香七个大字弹眼落睛,广告做得老好,有勿有人买是另外桩事体。有轨电车一如既往,“当当”声响格勿停,车子到站,上头人冲下来,下头人轧上去。有大铜钿额人开轿车,小铜钿额人叫部黄包车,但大多数人笃悠悠勒嗨荡马路,逛商店,四大公司里厢去兜一圈,买点洋货。顺便去马路上额大减价额店铺淘点便宜货,总归要扲点么事回去。二只手空了空回转去,要塌招势额。

       勿管曾经上海滩有多少洋人留下来额么事痕迹,南京路总归是一条华人带旺起来额马路。光靠洋人勒嗨扎塔奈地皮倒过来倒过去,还撑勿起“大马路”繁荣额大市面。四大公司就是勒嗨南京路上帮洋人不断拗手劲当中标新立异出奇制胜,土特产,小商品,呢绒店,国药房等鞋拾遗补缺,共同奈精致俗气,奢华糜烂额南京路发展到极致,使“十里洋场”闻名世界。

TOP

今日热门主题

发新话题